|
|
|
|
“Dəcəllər” teatrının Parisdəki uğuru
-
Şriftin ölçüsü
decrease font size
şrift böyüt
- Çap et
Dekabrın 2-də Parisdə YUNESKO-nun Böyük Konsert Zalında Daun sindromlu uşaq və yeniyetmələrdən ibarət kollektivlərin iştirakı ilə konsert keçirilib. 3 dekabr-Beynəlxalq Əlillər gününə həsr edilmiş konsertdə Azərbaycanı təmsil edən 12 yeniyetmədən ibarət Daun Sindromlu Şəxslərin Assosiasiyasının “Dəcəllər” teatrının kollektivi tamaşaçılar qarşısında 30 dəqiqəlik konsert proqramı ilə çıxış ediblər.“Karvan” musiqisinə “Modern” üslubunda 9 musiqili nömrə, səhənglə, gül buketləri ilə rəqslər, ispan və ərəb rəqsi, proqramın sonunda isə dahi bəstəkar Üzeyir Hacıbəyovun musiqisi əsasında qurulmuş “Cəngi” rəqs kompozisiyasını ifa edən gənc istedadları tamaşaçılar ayaq üstə alqışlayıblar.
Ertəsi gün uşaqlar “Disneylend” əyləncə parkı, Luvr muzeyi, Eyfel qülləsi, “Notrdam” kilsəsi və Parisin digər tarixi yerlərini ziyarət ediblər. Paris səfəri gəmi ilə Sena çayında bir saatdan artıq gəzinti ilə başa çatıb.