Səhifəni çap et
Şənbə, 01 İyun 2019 16:44

Azərbaycan ictimaiyyəti Oqtay Zülfüqarovun xatirəsi andı

esasMayın 31-də Azərbaycan bəstəkarlıq sənətinin görkəmli nümayəndələrindən biri, Xalq artisti Oqtay Zülfüqarovun (1929-2016) anadan olmasının 90 ili münasibətilə musiqi ictimaiyyəti nümayəndələri, bəstəkarın ailə üzvləri və yaxınları ikinci Fəxri xiyabanda bəstəkarın məzarını ziyarət edilər.

Anım mərasimində çıxış edən Azərbaycan Bəstəkarlar İttifaqının sədri, Xalq artisti Firəngiz Əlizadə Oqtay Zülfüqarovun Azərbaycan bəstəkarlıq məktəbinin inkişafına mühüm töhfələr verdiyini deyib. Oqtay Zülfüqarov öz istedadını musiqinin müxtəlif janrlarında sınayıb, simfonik, instrumental və kamera əsərləri yaradıb. Ailəsi adından çıxış edən Əməkdar incəsənət xadimi, bəstəkar Cahangir Zülfüqarov atasının xatirəsinə göstərilən ehtirama görə öz minnətdarlığını bildirib.

FOTOQALEREYA

Həmin gün saat 19.00-da Azərbaycan Dövlət Akademik Filarmoniyasında bəstəkarın 90 illiyinə həsr olunmuş yubiley gecəsi keçirilib. Oqtay Zülfüqarovun “Şənlən mənim xalqım” uvertürası ilə başlayan tədbirdə Azərbaycan Dövlət Simfonik Orkestrinin (bədii rəhbər və baş dirijor Rauf Abdullayev) ifasında bəstəkarın simfonik, instrumental və kamera əsərləri səsləndirilib.

Bəstəkarın nəvəsi, musiqiçi Əminə Zülfüqarova orkestrin müşaiyəti ilə fleytada Cahangir Zülfüqarovun atasına ithaf etdiyi “Ümid adası” əsərini ifa edib.

Oxunub 205 dəfə